நல் மீட்பர் இயேசு நாமமே-How sweet the name of Jesus sounds

இரட்சணிய சேனை தமிழ் பாடல் எண் 144

English song book # 41"How sweet the name of jesus sounds"

Verses: John Newton

சரணம்-1

நல் மீட்பர் இயேசு நாமமே
என் காதுக்கின்பமாம்
புண்பட்ட நெஞ்சை ஆற்றவே
ஊற்றுண்ட தைலமாம்

பல்லவி

இயேசுவின் நாமம் நேசிக்கிறேன்
இயேசுவின் நாமம் நேசிக்கிறேன்
இயேசுவின் நாமம் நேசிக்கிறேன்
இயேசுவின் நாமமே

சரணம்-2

அந்நாமம் நைந்த ஆவியை
நன்றாக தேற்றுமே
துக்கத்தால் தொய்ந்த உள்ளத்தை
திடப்படுத்துமே-இயேசுவின்

சரணம்-3

பசித்த ஆத்துமாவுக்கு
மன்னாவைப் போலாகும்
இளைத்துப் போன ஆவிக்கு
ஆரோக்யம் தந்திடும்-இயேசுவின்

சரணம்-4

என் ஜீவன் போகும் நேரமும்
உம் நாமம் பற்றுவேன்
எப்போதும் அதைப் பாடவும்
விண் கரை ஏறுவேன்-இயேசுவின்